Од октомври во ОУ „Кирил Пејчиновиќ“ во Кисела Вода ќе се изучува италијански јазик
- Детали
- Категорија: Кисела Вода
- Создадено: 13 Септември 2018
Учениците од петто одделение во Основното училиште „Кирил Пејчиновиќ“ во општина Кисела Вода од 1 октомври ќе имаат можност како изборен предмет да учат италијански јазик.
Како што информира општина Кисела Вода, за успешна реализација на проектот за изучување на италијанскиот јазик директорот на ОУ „Кирил Пејчиновиќ“ Сашо Јованоски одржал работна средба со претседателот на Институтот „Данте Алигиери“ Ладислав Цветковски. На оваа средба, како што се наведува, е потврдена соработката и начинот на кој би се реализирал проектот.
Проектот за изучување на италијански јазик е целосно поддржан и финансиран од Министерството за надворешни работи на Италија во соработка со Италијанската амбасада и Институтот „Данте Алигиери“. Целта на овој проект е промоција на италијанскиот јазик и култура во основните училишта во Република Македонија.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
