1-ва Скопска - МТМ Телевизија

Градоначалникот на Кисела Вода, Орце Ѓорѓиевски, денеска беше во училиштето за рехабилитација на деца и младинци со оштетен вид „Димитар Влахов“, каде што започнаа градежните активности за уредување на нов парк. Просторот кој долги години беше запуштена депонија, наскоро ќе биде целосно преобразен во модерно катче за одмор, игра и рекреација, велат од општината.

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради уличен дефект ф-100 мм на улицата Христо Татарчев 22/4, во општина Кисела Вода, прекинато водоснабдување ќе имаат корисниците од истата улица, односно крак 22.

Со цел да им излезе во пресрет и да обезбеди директна поддршка за лицата кои се соочиле со семејно или родово базирано насилство, општина Кисела Вода денес објави jавен повик за доделување на еднократна парична помош во висина од 2500 денари.

Се врши целосно асфалтирање на нова улица во населбата Драчево, која за првпат овозможува директно поврзување меѓу две значајни сообраќајни артерии – улиците „Румена Хаџипанзова“ и „Киро Фетак“.

Градоначалникот на општина Кисела Вода, Орце Ѓорѓиевски, денес присуствуваше на акцијата за садасување на дрвја чинари во ООУ „Кузман Шапкарев“ како дел од големата еколошка иницијатива, што Општината ја спроведува во сите училишта и градинки. Оваа акција се реализира со поддршка на Канцеларијата за проектни услуги во рамките на проектот „ЕУ за чист воздух“, финансиран од Европската Унија, која ги донира садниците.

Градоначалникот на општина Кисела Вода Орце Ѓорѓиевски, информираше дека на денешната седница на совет се донела одлука за финансиска помош за жртвите од семејно и родово базирано насилство. Како што истакна, наскоро ќе биде распишан Јавен повик на кој жртвите ќе можат да се пријават, а се гарантира и целосна дискреција на истите.

Градоначалникот на општина Кисела Вода Орце Ѓорѓиевски, информираше дека во соработка со GREEN ROAD ДОЕЛ, како и во консултација со Министерството за внатрешни работи, започнува со обемна активност за системско решавање и отстранување на хаварисаните/отпадни возила од јавните површини на територијата на општината.

Општина Кисела Вода за првпат воведува субвенции за младите, со цел да им помогне во стекнувањето на возачка дозвола од Б категорија. Оваа финансиска поддршка, во висина од 10.000 денари, е наменета за сите матуранти од генерацијата 2025 година кои ќе се запишат или веќе се запишале на обука за теоретски и практичен дел во некоја од лиценцираните автошколи, почнувајќи од 1 јануари 2025 година, извести општината.

Во пресрет на Меѓународниот ден на жената – 8 Март, Општина Кисела Вода ја зајакнува поддршката за семејствата со новороденчиња преку зголемување на финансиската помош на 12.000 денари и воведување на нова придобивка – пакет со основни производи за мајките и нивните бебиња. Градоначалникот Орце Ѓорѓиевски и претседателката на Советот, Светлана Колариќ, денеска доделија 105 ваучери на семејства со новороденчиња, со што ја официјализираа новата мерка, која има за цел да обезбеди дополнителна поддршка во првите денови од мајчинството.

Министерството за локална самоуправа продолжува со теренските посети на општините „Каде што срцето е дома“. Денес, министерот Златко Перински, заедно со претседателот на Владата, Христијан Мицкоски и министерот за животна средина, Изет Меџити беа во Општина Кисела Вода во која ќе се реализираат четири проекти со пари од државниот буџет, одобрени од првиот јавен повик за финансиска поддршка на општините. Владините претставници заедно со градоначалникот Орце Ѓорѓиевски го посетија речното корито на Мала Рада во Драчево, за кое во тек е изработка на проект за реконструкција и санација на постоечкото бетонско корито и на потпорните ѕидови.

Регионалниот центар за управување со кризи на Град Скопје, по добиеното известување од ЕВН, информира дека поради планирани зафати во електро дистрибутивната мрежа, денеска, без напојување со електрична енергија ќе останат:

Пинтија за првпат доби затворена спортска сала – современ простор кој ќе овозможи квалитетна настава по физичко образование и подобри услови за спорт и рекреација. Со површина од 350 квдратни метри, салата ќе им служи на учениците од ПОУ „Рајко Жинзифов“ и на сите млади спортски таленти од оваа населба.

Вчера во 09.12 часот во СВР Скопје, од Ургентен центар при Комплекс клиники „Мајка Тереза“ Скопје било пријавено дека кај нив со тешки телесни повреди бил донесен С.С.(55) од с.Черкези, кумановско, кој подоцна починал.

2024 година е трета година од мојот мандат, но и трета година во историјата на Кисела Вода кога финансиските средства на општинската сметка се значително повисоки од обврските. Денес, за разлика од минатото, ние не позајмуваме, ние инвестираме, истакна градоначалникот Орце Ѓорѓиевски на почетокот од своето денешно обраќање пред Советот на Општина Кисела Вода, каде што се усвоија кварталните извештаи.

Кисела Вода денес поднесе 6 од предвидените 15 проекти со кои аплицира на вториот владин повик за финансирање на инфраструктурни проекти. Целосно е подготвена и доставена документацијата за шест проекти, додека останатите девет се во фаза на подготовка и ќе бидат доставени до крајниот рок. Реализацијата на овие проекти е од исклучително значење, бидејќи се клучни за модернизација и развој на локалната инфраструктура, а реализацијата на одобрените проекти од првиот повик е во тек, соопштија од општината.

Во населбата Потстаница се одвиваат интензивни градежни активности за целосна реконструкција на објектот кој ќе биде првата детска градинка во овој дел од Кисела Вода. Станува збор за стар објект кој, со одлука на Владата на Република Македонија, беше правно преземен од ЈЗУ Завод за рехабилитација на деца и младинци – Скопје и даден на трајно користење на Општина Кисела Вода. Реконструкцијата опфаќа темелни зафати – од кровната конструкција, преку подните конструкции, до енергетски ефикасната фасада – со што ќе се создаде модерен и безбеден простор на 222 квадратни метри, за околу 80 дечиња.

Општина Кисела Вода од утре, сабота, 15-ти февруари, почнува голема акција за бесплатно собирање на кабаст и електронски отпад, која ќе трае три месеци, заклучно со 20 април. Истата се реализира во соработка со Министерството за животна средина, како дел од акцискиот план на Владата за почист воздух.

Општина Кисела Вода денес започна со акција за генерално чистење на јавните површини, улиците и парковите на своја територија, со цел да обезбеди почиста и поздрав животен амбиент за граѓаните. Активностите започнаа од населбата Цветан Димов и во наредниот период ќе бидат опфатени сите 15 населби и населени места во општината, извести општината.