Околу 1.000 матуранти од Скопје традиционално одиграа квадрил на плоштадот „Македонија"
- Детали
- Категорија: Град Скопје
- Создадено: 17 Мај 2019
На плоштадот „Македонија" околу 1.000 матуранти учествуваа на традиционалната манифестација „Матурска парада 2019", каде го одиграа квадрилот.
Освен во Скопје, парадата на матуранти се одржа и во Охрид, Струга, Гевгелија, Струмица и Валандово.
Организаторот на настанот Никола Глигоров од Дирекција за култура и уметност посочи дека е задоволен од овогодинешната организација. Интересот кај матурантите од година во година расте. Веќе стана препознатлива манифестација и се спроведува во околу 60-70 градови од Југоисточна Европа.
Манифестацијата „Матурска парада 2019" е поддржана од Град Скопје, Агенцијата за млади и спорт и Канцеларијата на ЕУ во Скопје. Парадата на матурантите почна да се организира во 2001 година во Љубљана, а во државава првпат се одржа во 2007 година во Скопје и во Охрид.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс