1-ва Скопска - МТМ Телевизија

Во тек се градежни зафати во ООУ „Димитар Поп Георгиев Беровски“, кои се однесуваат на реконструкција на подовите во ходниците на долниот кат, информираат од Општина Ѓорче Петров.

Според нив, следните чекори се целосно реновирање на тоалетите и изградба на тоалет за деца со посебни потреби, поставување нова енергетски ефикасна фасада.

Информираат дека се работи и на подобрување на условите за изведување на воспитно-образовниот процес во согласност со најсовремени стандарди во училиштата.

„Поради овие зафати, наставата почнува утре со физичко присуство за децата од прво до трето одделение, а децата од четврто до деветто одделение во ова училиште ќе имаат онлајн-настава со донесена одлука од училишниот одбор, а во согласност со Општина Ѓорче Петров“, стои во писмениот допис.

Дополнуваат дека оваа одлука е со времетраење од 30 дена и за неа е информирано и Министерството.