1-ва Скопска - МТМ Телевизија

Општина Гази Баба заедно со Дирекцијата за заштита и спасување започна акција за намалување на заканите од поплави.

Целта е заеднички да се работи на едукација кај населението, а особено на младите, како да се спречат поплавите во ризичните области и кои се неопходните мерки кои треба да се превземат во состојба на поплави.

Градоначалникот на општина Гази Баба, Борис Георгиевски рече дека изминатиов период биле преземени низа превентивни мерки за да не се повтори поплавата која во 2016 година однесе човечки жртви, и направи голема материјална штета во неколку населени места во општина Гази Баба.

Директорот на Дирекцијата за заштита и спасување Аднан Џаферовски, информира дека во оваа кампања се вклучени училиштата и учениците преку кампања која ќе трае до април 2019 година.

Градоначалникот на општина Гази Баба Борис Георгиевски повика и на соработка од страна на граѓаните, потенцирајќи дека е многу важно да не се фрла ѓубре во речните корита или канали, и да не се преградуваат водотеците за да се прават акумулации на вода во летниот период.