1-ва Скопска - МТМ Телевизија

Новото депо на пајак-службата на ЈП „Паркинзи на Општина Центар” – Скопје ќе започне со работа од 17 март на нова локација до улица и мост Беласица, под Железничката станица.

Општина Центар ќе спроведе акција за собирање кабаст отпад во периодот од 15 до 20 март. Поради позитивните реакции и успехот на акцијата реализирана во февруари, зголемен е бројот на пунктови на кои граѓанитe ќе можат бесплатно да го одложат својот кабаст отпад, информираат од општината.

Општина Центар денеска спроведе вонреден инспекциски надзор на угостителските објекти на Кеј „13 Ноември“, при што беа изречени казни за сите правни субјекти кои ги узурпираа јавните површини со поставување урбана опрема без соодветно одобрение.

Општина Центар информира дека во тек е јавниот повик за доделување субвенции на младите центарци за полагање на возачки испит Б-категорија. На овој повик може да се пријават сите млади лица кои во текот на 2025 година ќе наполнат 18 години, односно родени се во 2007 година и живеат на подрачјето на општината најмалку една година.

Градоначалникот Горан Герасимовски информира дека општинските служби со механизација вчера ја исчистија дивата депонија која била лоцирана позади Амбасада на Република Грција. Тој потенцира дека чистењето на дивите депонии е приоритет на општина Центар, затоа што тие претставуваат закана за здравјето на граѓаните и животната средина.

Градоначалникот Горан Герасимовски, денеска оствари средба со возрасните центарци од Здружението на пензионери на Општина Центар, каде што се дискутираше за проектите што се имплементираат за подобрување на нивниот квалитет на живот.

Од ЈП Водовод и Канализација известуваат дека денеска поради дефект на приклучна цевка од ф – 100 мм на улицата Железничка б.б без вода ќе останат дел од корисниците од улиците Железничка и Герман, Oпштина Центар.

Градоначалникот на општина Центар Горан Герасимовски, денеска се сретна со возрасните центарци од пензионерскиот клуб „Гоце Делчев“ кадешто разговараа за нивните секојдневни предизвици, потреби и идеи за подобрување на условите за пензионерите во општината.

Од ЈП Водовод и Канализација известуваат дека денеска поради изведувње на водоводен приклучок Ф-80мм на улицата Киро Крстевски Платник 6 во населба Центар, прекинато водоснабдување ќе имаат корисниците на дел од улицата Киро Крстевски Платник.

Градоначалникот на Општина Центар, Горан Герасимовски, ја отвори архитектонската изложба „Општина за нас“ во КСП Центар – Јадро, каде граѓаните ќе имаат можност да ги разгледаат идејните решенија од конкурсот за новата општинска зграда.

Градоначалникот Горан Герасимовски, утрово го посети пензионерскиот клуб „Роберт Гајдиќ“, кадешто се сретна со пензионерите и помина време во дружење и разговор за нивното секојдневие. Тие разговараа за проектите што Општина Центар ги спроведува за подобрување на животниот стандард на повозрасните сограѓани, како и за значењето на пензионерските клубови како место за социјализација и активен живот.

Од ЈП Водовод и Канализација известуваат дека денеска на ул.Алберт Ајншатјн ( кај Мебел Вардар) поради уличен дефект од ф -80“ со прекинато водоснабдување ќе бидат корисниците : дел од Алберт Ајнштајн и ул. Донбос.

Градоначалникот на Општина Центар, Горан Герасимовски, заедно со младите и Првиот скопски извиднички одред, денеска на една од најфреквентните сообраќајници во Центар , улицата Партизанска, ја реализираше акцијата „Совесен возач“, за подигнување на свеста за совесно и одговорно возење, како и за информирање на граѓаните за можноста за аплицирање за субвенции за полагање на возачки испит.

Од ЈП Водовод и Канализација известуваат дека поради изведување водоводен приклучок од ф – 100 мм на ул. Максим Горки бр. 13 во населба Центар, во периодот од 10.00 часот па се до завршување на работата без вода ќе останат дел од корисниците од ул. Максим Горки. ( Oпштина Центар )

Градоначалникот на Општина Центар Горан Герасимовски, денеска беше во посета на пензионерскиот клуб „Невена Георгиева Дуња“ кадешто се сретна со пензионерите и ги информираше за проектите што општината ги имплементира за нивен подобар квалитет на живот.

Општина Центар информира дека распиша Јавен повик за доделување субвенции на младите жители на општината за полагање на возачки испит Б-категорија во автошколи регистрирани на подрачјето на Центар. Овој повик е отворен на 25 февруари 2025 година и ќе трае до исцрпување на средствата од општинскиот буџет, најдоцна до 31 декември 2025 година.

„Возењето автомобил без возачка дозвола е опасно за сите, младите лица мора да имаат положено возачки испит доколку сакаат да бидат учесници во сообраќајот. Вчера, распишавме јавен повик за доделување субвенции на младите жители на Центар за полагање на возачки испит Б-категорија во автошколи регистрирани на подрачјето на нашата општина. Со овој чекор, преку субвенција од 10 илјади денари ги поттикнуваме младите да учат од професионални возачи, законски да можат да управуваат возило наместо да возат без возачки дозволи што е недозволиво. Безбедноста на младите во сообраќајот е приоритет!“, истакнува градоначалникот Горан Герасимовски.

Градоначалникот на Општина Центар, Горан Герасимовски, вчера беше дел од донаторскиот настан за поддршка на националните роботски тимови организиран од СТЕМ Академија која е единствената глобално акредитирана организација за СТЕМ образование во земјава.