Улицата Мите Богоевски во Лисиче ќе биде целосно обновена
- Детали
- Категорија: Аеродром
- Создадено: 11 Јули 2023
Летните денови Општина Аеродром ги користи за инвестициите во инфраструктурата, кои продолжуваат и овој месец. Од таму информираат дека реконструкцијата на улицата Мите Богоевски опфаќа поставување нов асфалт и целосна обнова на тротоарите во должина од 1.245 метри, како и поставување хоризонтална и вертикална сигнализација.
„Реализираме проекти што го олеснуваат движењето и ја подигнуваат безбедноста во сообраќајот во Аеродром. Со реализација на овој проект аеродромци добиваат уште една целосно реконструирана улица, а граѓаните на населбата Лисиче сообраќајница што ќе ја подобри поврзаноста на населбата. Станува збор за проект што го реализира Општина Аеродром со средства од Светската банка, добиени преку Министерство за транспорт и врски“, велат од Општината.
Од таму додаваат дека новите инфраструктурни проекти ги решаваат најважните проблеми и предизвици на граѓаните. Новите улици и паркови, како и завршувањето низа важни проекти на повеќе локации во општината, говорат за посветена и одговорна работа и успешно завршениот инфраструктурен циклус.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
