Цукерберг му предложи на Трамп да олади малку

Извршниот директор на „Фејсбук“, Марк Цукерберг, во телефонски разговор му предложи на американскиот претседател Доналд Трамп да олади малку.

Според веб-сајтот „Аксиос“, два извори запознаени со телефонскиот разговор меѓу Трамп и Цукерберг, изјавиле дека Цукерберг немал посебни барања од американскиот претседател, но изразил загриженост за неговиот тон и реторика, како и за несогласувањето со неговите неодамнешни изјави.

Шефот на „Фејсбук“ му рече на Трамп, кој го повика Цукерберг, дека неговиот избор на зборови го става Фејсбук во тешка позиција.

Тоа, најверојатно, се однесува на фактот дека Фејсбук се нашол под зголемен притисок да ги модерира изјавите на Трамп на својата платформа, бидејќи тие редовно содржат бесрамни лаги, целосни дезинформации и горлива реторика, пишува „Машејбл“.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.