Невреме во Загреб: Повеќе од 700 интервенции, петмина повредени
- Детали
- Категорија: Свет
- Создадено: 14 Мај 2019
Градските служби во Загреб вчера имале повеќе од 700 интервенции, а пет лица се повредени поради силниот ветер кој дува од неделата.
Ветрот на подрачјето на Загреб речиси целиот ден уривал стебла, реклами, чадори за сонце, покриви и делови од фасади.
Улиците на главниот град на Хрватска се полни со искршени гранки, а имало проблем и во градскиот сообраќај.
Некаде се забележани и скршени семафори, а итните медицински служби и пожарникарите интервенирале во текот на целиот ден. Полицијата ги предупредила граѓаните да не излегуваат од своите домови доколку не е неопходно.
Државниот метеоролошки завод издаде предупредување за речиси цела земја поради појава на силен ветер и екстремни количества врнежи од дожд.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс