Пожарникари реагираат на изјавата на Трамп за пожарите во Калифорнија
- Детали
- Категорија: Свет
- Создадено: 12 Ноември 2018
Здружението „Калифорниски професионални пожарникари" денеска реагираше на пишувањето на американскиот претседател Доналд Трамп на Твитер, кој вели дека за „големите, смртоносни и со огромна штета пожари" виновно е лошото управување со шумите и притоа се закани дека ќе се стопираат средствата доколку тоа не се подобри.
– Објавата на претседателот, која содржи напад против Калифорнија и закана за прекин на помошта за жртвите од катастрофални пожари, го нарушува достоинството на настраданите, се наведува во реакцијата на Здружението.
Тие сметаат дека тврдењето на претседателот Трамп е погрешно.
– Шумските пожари се предизвикуваат и се шираш не само во шумите, туку и во населените места, но и на отворени места, поттикнати од сува вегетација, силни ветришта, ниска влажност и географска специфичност, соопшти здружението „Калифорниски професионални пожарникари".
Според нив, речиси 60 отсто од шумите во Калифорнија се во надлежност на федералните власти, а останатите се во приватна сопственост.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс