Леброн и Дејвис го запреа Денвер, Кингс без одговор за Дончиќ
- Детали
- Категорија: Спорт
- Создадено: 13 Февруари 2020
ЛА Лејкерс го добија дербито со Сеневер Нагетс. Лејкерс победија по едно продолжение 120:116, откако во регуларниот тек натпреварот заврши со 111:111. Ова е втора победа за Лејкерс сезонава во Колорадо. По паузата поради повреда на теренот се врти Лука Дончиќ. Тој го предводеше Далас до убедливата победа над Сакраменто 130:111.
Дербито помеѓу првата и втората екипа на Западот им припадна на Лејкерси. „Езерџиите“ имаат повеќе концентрација во продолжението кое го реши Ентони Дејвис. Тој ги постигна последните четири поени на мечот.
Леброн Џејмс мечот го заврши со трипл-дабл од 32 поени, 12 скока, 14 асистенции, Дејвис имаше 33 поени и 10 скока. Кај Денвер се истакнаа Џамал Мареј со 30 поени и 10 асистенции, односно Никола Јокиќ со 22 поени и 11 скока.
Далас го декласираа Сакраменто 130:111. Дончиќ во пресрет на Ол-стар натпреварот се врати во тимот на Далас и со 33 поени, 12 скока и осум асистенции беше најефикасен на мечот. Кристап Прозингинс мечот го заврши со 27 поени и 13 скока.
Резултати:
Кливленд-Атланта 127:105
Орландо-Детроит 116:112
Бруклин-Торонто 101:91
Индјана-Милвоки 118:111
Њујорк-Вашингтон 96:114
Мемфис-Портланд 111:104
Минесота-Шарлот 108:115
Финикс-Голден стејт 112:106
Јута-Мајами 116:101
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
