1-ва Скопска - МТМ Телевизија

Младиот кошаркар на Далас Маверикс, Словенецот Лука Дончиќ вели дека сака да биде како Германецот Дирк Новицки кој 21 година помина во клубот од Тексас.

Дончиќ одигра одлична руки – сезона, беше најдобар „новајчија“, а пофалбите стигаа од сите страни.

Сопственикот на Далас, Марк Кјубан одлучи да ја активира третата година од руки-договорот на словенечкиот кошаркар, со што тој ќе заработува околу 8 милиони долари по сезона.

„Дирк овде беше 21 година, се надевам дека ќе останам и ќе тргнам по неговите стапки. Важно е да изградиме победнички менталитет. Сакаме во плеј-оф и мислам дека ќе можеме да играме во завршницата во наредната сезона. Ова ќе биде моја трета година овде, се разбира дека сум возбуден, како и целиот тим“ – изјави Дончиќ.