Пораз на Еурофарм Работник во ракометната Лига на шампиони
- Детали
- Категорија: Спорт
- Создадено: 29 Септември 2019
Ракометарите на Еурофарм Работник поразени се со 26:25 од шпанскиот вицешампион Бидасоа Ирун во рамки на третото коло од група „Ц“ во ракометната Лига на шампиони.
Битолчани во најголем дел од натпреварот беа во водство, првото полувреме го завршија со предност од три голови (11:14), во 42-та минута од натпреварот имаа предност и од 5 голови (11:16), но сепак домашниот тим со пресврт, тесно победи со 26:25.
Во шпанското гратче Ирун, двеилјадна публика со аплауз ги награди најдобрите ракометари на натпреварот, односно домашниот Сержо Дела Салут кој постигна 10 голови, и гостинскиот голман, македонскиот репрезетативец Никола Митревски кој имаше 13 одбрани.
Судиите од Хрватска Циндриќ и Конзурек со грешки го водеа натпреварот, но во 6 минута правилно и заради неспортско однесување го исклучија ракометарот на Еурофарм Работник, Мирко Радовиќ.
Битолската спортска јавност ги почна подготовките за претстојниот дерби натпревар од ракометната СЕХА лига меѓу водечките Еурофарм Работник и унгарскиот шампион Веспрем кој ќе се игра оваа среда на 2 октомври во Битола.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс