„Сандеј Експрес": Челзи понуди 100 милиони фунти за Кутињо
- Детали
- Категорија: Спорт
- Создадено: 20 Јануари 2019
Играчот од средниот ред на Барселона, Филипе Кутињо, може да се врати во англиската Премиер лига, каде настапуваше за Ливерпул. Бразилецот е посакуван од Челзи, чии претставници веќе се сретнале со Каталонците и понудиле за играчот 100 милиони фунти (113 милиони евра), вели „Сандеј Експрес".
Од „Камп Ноу" немаат ништо против да го продадат 26-годишниот фудбалер, иако предложената сума е значително помала од онаа што „лос кулес" ја платија за Кутињо. Тој во клубот пристигна за околу 160 милиони евра. Парите што може да ги земе од Бразилецот, Барселона ќе ги вложи во неговиот сонародник Нејмар, кој сака да се врати од Париз Сен Жермен.
Самиот Кутињо сепак сака да остане во „Камп Ноу", но, тој сака да игра повеќе. Во последните 7 натпревари на Каталонците тој играл само три пати. Вкупно сезонава, играчот од средниот ред има 17 натпревари и 4 гола.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
