Откако беше обвинет за сексизам, Џан се извини за своите коментари
- Детали
- Категорија: Спорт
- Создадено: 20 Септември 2018
Германскиот фудбалер Емре Џан беше обвинет за сексизам по натпреварот на Јувентус со Валенсија од повеќе феминистички организации. Претставничките на понежниот пол се почувствуваа засегнати од тврдењето на фудбалерот на „старата дама“, дека црвениот картон на Кристијано Роналдо бил незаслужен, бидејќи на теренот „не играле жени“.
Тоа сепак предизвика огорчени реакции на социјалните мрежи на феминистичките организации. Џан процени дека најдобро ќе биде да се стави крај на непријатната ситуација и јавно се извини.
- Се чини дека моите зборови по синоќешниот натпревар и ситуацијата со Кристијано Роналдо предизвикале бура и сакам да се појаснам. Сакам категорично да кажам дека моите зборови немаа за цел да ги понижат жените, женскиот фудбал или родовата еднаквост како целина. Секој кој ме познава, знае каков е мојот став кон жените, женскиот фудбал и еднаквоста и како се однесувам со почит кон сите нив. Намерата ми беше само да го заштитам соиграчот поради погрешна одлука спрема него, што можеше да влијае на исходот на натпреварот. Искрено се извинувам на сите кои се почувствувале навредени од моите коментари. Ја имате мојата целосна почит, напиша Емре Џан.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс