Шоуата мора да продолжат: Музикалите на Лојд Вебер ќе се емитуваат бесплатно
- Детали
- Категорија: ШоуБиз
- Создадено: 05 Април 2020
Фановите на музичкиот театар принудени да останат дома поради пандемијата на коронавирус ќе можат да гледаат неколку од најпопуларните дела на британскопт композитор Ендрју Лојд Вебер бесплатно на Јутјуб секоја недела.
Серијата музикли, насловена The Shows Must Go On! („Шоуaтa мора да продолжaт!“), ќе започне во петок со филмска верзија од 2000 година на Веберовата „Јосип и дречливите бои на неговите сништа“ (Joseph and the Amazing Technicolor Dreamcoat) во кој глумат Дони Осмонд и Џоан Колинс. Ќе биде достапен 48 часа од 18:00 часот (GMТ временска зона).
Иако програмата ќе оди бесплатно на Јутјуб, луѓето ќе бидат охрабрувани да донираат во различни добротворни цели кои ќе бидат посочени на секое видео.
Лојд Вебер светската слава ја постигна со прочуениот мјузикл „Мачки“, кој е еден од најдолго играните мјузикли, на лондонската сцена е изведуван 21 година, а на Бродвеј 18 години.
Тој основаше фондација за помош на уметниците и за развој на уметности. Посебен придонес даде во 2010 година, кога на една аукција продаде слика од Пабло Пикасо од својата приватна колекција, а приходот од 37 милиони фунти го пренасочи за понатамошна работа на својата фондација.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс