Кајли Миног наскоро ќе лансира вино кое ќе го носи нејзиното име
- Детали
- Категорија: ШоуБиз
- Создадено: 26 Март 2020
Хитмејкерката на The Loco-motion сака да добие вино со нејзиното име и планира тоа да се појави на рафтовите навреме за сезоната на забави, пишува британскиот таблоид The Sun.
Кајли Миног е во преговори со повеќе светски производители на вино со надеж дека ќе најде совршен вкус.
Британскиот таблоид цитира извор близок до пејачката: „Кајли веќе со години има идеја да има сопствен асортиман на вино, но сега идејата конечно доаѓа во фаза на реализација. Таа работи со својот тим и е во дискусии со сопственици на лозови насади и винарии за да најде совршени вина“.
„Кајли има голем број возрасни фанови и сака да го стави своето име на вино кое е софистицирано, но забавно, исто како и неа. Таа веќе извесно време работи на тоа, но се надева дека конечно ќе успее да го лансира подоцна оваа година, како десерт за сите нејзини фанови“, вели изворот.
Виното не е единственото нешто на што се фокусира 51-годишната поп-ѕвезда во моментот. Таа исто така е зафатена со работа на нова музика со текстописците на британскиот женски бенд „Литл Микс“.
Кајли се здружи со Меган Котон - која стои зад некои од најдобрите песни на бендот, како што се Move и Salute – со цел да излезе со нови песни.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс