1-ва Скопска - МТМ Телевизија

Премиерот на Хрватска Андреј Пленковиќ неодамна се појави на ТикТок како дел од кампањата за приближување до помладите гласачи.

Имено, тој одговараше на бројни прашања на следбениците, меѓу кои беа и оние за првиот бакнеж, омилените музичари, филмовите, децата…

„Одамна, во Макарска, на почетокот на 80-тите“, одговори Пленковиќ кога се бакна за прв пат.

Омилен филм му е „Кој пее зло не мисли“, а омилен бенд му се Ролинг Стоунс.

Го прашаа и со кој од министрите најмногу се дружи.

„Со сите се дружам, но навечер нема дружење бидејќи децата се мали, после работа, обично околу 19-20 часот навечер, одам дома“, објасни тој.

Помеѓу Меси и Роналдо се одлучи за Лука Модриќ бидејќи „тој е наш, тој е одличен и мораме да му се заблагодариме на него и на оваа одлична генерација за сите успеси во последните неколку години“. Ако треба да бира ќебапи или бурек, бира ќебапи.

На крајот напомена и дека да се биде тиктокер не е воопшто лесно.