30 дневен извиднички онлајн предизвик за сите млади

Во периодот кога скоро сите активности на извидничките одреди и другите организации кои работат со млади се суспендирани со цел превенција на ширењето на Ковид-19, Сојузот на извидници на Македонија го воведе 30 дневниот извиднички онлајн предизвик, наменет и во овој период да ги едуцира и да ги држи младите луѓе активни од дома.

Во текот на 30 дена колку што ќе трае предизвикот, сите извидници, но и останати деца и

млади кои сакаат квалитетно да го пополнат своето време, ќе имаат можност преку низа

едукативни и забавни активности да ги надградат своите знаења, да се дружат онлајн со своите врсници и да освојуваат награди и признанија. Дел од активностите се: изработка на

импровизиран камп во домашни услови, готвење, учење на знаковен јазик, изработка на

заштитни маски, учество на Earth Hour 2020, итн. Во првите 5 дена, повеќе од 1.000 извидници, деца и млади имаа земено активност учество во оваа активност.

„Како експерти во областа на неформалното образование и развивање на вештини кај деца

и млади луѓе, обврска на извидниците е да продолжиме да го правиме тоа што знаеме да го

правиме најдобро - континуирана едукација на децата и младите и нивна поддршка“ изјави

Владимир Костовски, Генерален Секретар на Сојузот на извидници на Македонија.

Следете ги комуникациските канали на Сојузот на извидници на Македонија каде секојдневно се објавуваат нови предизвици и комплетирани задачи од страна на учесниците:

scoutsmacedonia, @scoutsmacedonia и Scout Association of Macedonia.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.