Околу 900 објеки не се легализирани во општина Карбинци
- Детали
- Категорија: Македонија
- Создадено: 22 Јули 2019
Околу 900 дивоградби во општина Карбинци се уште чекаат да бидат легализирани. Градоначалникот на општината Јордан Насев вели дека постапката е забавена поради недоволната екипираност на локалната самоуправа, во која работи само една комисија со еден архитект.
– Бараме начин и помош од други општини за да ангажираме надворешно лица и да ја забрзаме постапката за легализација, вели Насев.
Тој додава дека бесправно изградени објекти има во речиси сите населени места и оти во моментот по пријава во селата Горни и Долни Балван е стопирана изградба на два објекти.
– Бидејки немаме градежен инспектор не можеме да издадеме решение за нивно рушење. Со новата систематизација на работните места во општина Карбинци предвидено е вработување на еден градежен инженер кој би работел на местото градежен инспектор, вели Насев.
Советниците во Советот на општината пред извесно време донеса и одлука бранителите да се ослободат од плаќање на комуналии за изградба на објекти, но досега не е поднесено ниту едно барање.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс