ВМРО-ДПМНЕ: Недозволиво е притворени лица да бидат изложени на физичко линчување, Заев, Дескоска и од управата на затворот да понесат одговорност
- Детали
- Категорија: Македонија
- Создадено: 22 Февруари 2019
Вчерашниот ден ќе остане запаметен како црн ден за демократијата во Република Македонија. Власта допре дното. Претепувањето на Миле и Спиро е акт на деспотизам и страв на власта која се плаши од неминовниот пораз од граѓаните.
Не помина еден ден откако ВМРО-ДПМНЕ предупреди дека власта врши тортура и свесен линч и доказот за тоа го видовме вчера. Тепани и линчувани луѓе во притвор, како да се наоѓаме во Северна Кореја, а не на тлото на Европа.
Миле и Спиро, како и сите граѓани кои се влечат по затвори врз основа на рекла казала моабети и заради спротивни политички гледишта од тињ на власта се жртви на политчки прогон.
Зоран Заев, Рената Дескоска и директорите на Управата за извршување на санкции и притворскиот затвор ,,Шуто оризари” треба да понесат одговорност веднаш.
Недозволиво е притворени лица да бидат изложени на физичко линчување.
Одговорност мора да има.
Граѓаните ги прочитаа очајните обиди на Заев. Закрвувањето на општеството нема да му успее.
Зоран Заев и луѓето околу него кои учествуваат во овој прогон ќе одговараат кога ќе се врати правната држава.
Центар за комуникации на ВМРО-ДПМНЕ
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
