15 илјади ученици полагаат мајчин јазик – првиот испит од државната матура
- Детали
- Категорија: Македонија
- Создадено: 31 Мај 2025
Над 15 илјади ученици кои завршуваат средно образование, денеска ќе го полагаат првиот од двата екстерни испита од државната матура – мајчин јазик и литература. Тој е задолжителен за сите матуранти.
Според податоците на Државниот испитен центар, пријавени се 9.969 ученици за македонски јазик, 4.339 за албански јазик, 292 за турски јазик и 10 ученици за српски јазик.
Вториот екстерен испит од државната матура, кој е изборен за учениците, ќе се полага на 11 јуни. И оваа година најголем број избрале да полагаат англиски јазик – над 13 илјади.
Покрај екстерните испити, дел од државната матура се и два интерни испита и проектна задача.
За надгледување на испитниот процес, ДИЦ ќе ангажира околу 2000 тестатори.
Минатата 2023/2024 година, средна оценка од државната матура беше 3,25.
Државната матура се спроведува од 2007 година, а единствено не се одржа во учебната 2019/2020 година поради Ковид-19 пандемијата.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
