1-ва Скопска - МТМ Телевизија

Најмалку четири лица, вклучително и едно дете, загинаа, а голем број беа повредени во Оклахома овој викенд, откако десетици торнада ги зафатија јужните држави додека синоптичарите предупредија повеќе од седум милиони Американци за можноста од торнада, пренесе АП.

Националната метеоролошка служба вчера издаде и предупредување за силни ветрови, силен дожд и град за повеќе од 47 милиони луѓе од источен Тексас до Илиноис и Висконсин.

Низ централниот дел на земјава денеска ќе продолжи нестабилното време, соопшти метеоролошката служба.

https://twitter.com/DisasterTrackHQ/status/1784595458515509251?ref_src=twsrc%5Etfw%7Ctwcamp%5Etweetembed%7Ctwterm%5E1784595458515509251%7Ctwgr%5E7dccf3

Гувернерот на Оклахома, Кевин Стит, вчера прогласи „вонредна катастрофа“ за неговата држава, ставајќи на располагање средства за спасувачките операции. Стит во видео порака на социјалните мрежи објави дека планира да ги посети местата опустошени од невремето.

https://twitter.com/4Mischief/status/1784635499606344011?ref_src=twsrc%5Etfw%7Ctwcamp%5Etweetembed%7Ctwterm%5E1784635499606344011%7Ctwgr%5E7dccf36

NWS објави дека 38 можни торнада допреле во областа и дека најлошото невреме ја опустоши централната Оклахома во саботата и рано во неделата, раширувајќи се во северозападниот дел на Тексас, западниот дел на Мисури и Канзас.

Одделот за управување со вонредни ситуации во Оклахома извести за еден смртен случај и повеќе од 30 повредени, додека десетици домови се уништени.

https://twitter.com/accuweather/status/1784590941724012589?ref_src=twsrc%5Etfw%7Ctwcamp%5Etweetembed%7Ctwterm%5E1784590941724012589%7Ctwgr%5E7dcc

Агенцијата предупреди дека обемот на уништувањето сè уште се проценува, поради нередот со соборени дрвја и далноводи и патишта полни со отпад.