1-ва Скопска - МТМ Телевизија

„Бизнисот на задоволството“ на Гоце Цветановски ја доби наградата за најдобар долгометражен филм на „Риверсајд Филм фестивал“ во Калифорнија, САД.

Комедијата „Цело тело тука ме боли”, ќе се изведе за прв пат во Македонија на осми април во Национална Опера и Балет.

Македонската филхармонија најавува уште еден импресивен концерт. Станува збор за концертот „Светлина“, кој ќе се одржи в четврток, на 4 април во 20 часот, а на кој како солист ќе настапи извонредниот виолинист Станко Мадиќ (Србија/Германија), концертмајстор на Радио-оркестарот на Минхен.

Италијанската полиција на свечена церемонија во Тоскана му ја врачи наградата за најдобар филм на „Бизнисот на задоволството“ на Гоце Цветановски, во рамките на фестивалот „Интернешнал Полис Артс Авардс Фестивал“. (International Police Arts Awards Festival – IPAAF).

Министерката за култура Бисера Костадиновска-Стојчевска оствари средба со префектот на округот Корча, Нерти Јоли, со кој разговараа за соработката помеѓу Северна Македонија и Албанија во областа на културата, за досегашната реализација на проектите и можноста за нови.

Утревечер, 29 март, во 19 часот, во Eдукативниот културен центар „Лабораториум“, ќе се одржи промоција на првата винил-компилација посветена на современата поп-продукција од млади македонски музичари – „Поп-култура“. Ова исклучително винил издание се реализира во рамки на платформата Силата ЕУ младите.

Публиката што ја исполни салата на Националната установа Центар за култура – Крива Паланка викендов уживаше и во еден глас пееше со популарната македонска музичка дива Каролина Гочева на концертот со кој и официјално беше отворена програмата на манифестацијата „Крива Паланка – град на културата“.

Соживотот може да биде и поезија! Оваа е една од многуте пораки што одекнаа од вечерта на современа македонска поезија „Лицето на зборовите“, што Филолошкиот факултет „Блаже Конески“ при УКИМ, вчера ја одржа во рамките на манифестацијата „Денови на поезијата“ во „Скопје Сити Мол“. Заедно со македонски поети и со доајенот на македонскиот театар, Благој Чоревски, студенти што студираат македонистика, во книжарницата на „Литература.мк“ пренесоа антологиски стихови од македонски автори од сите генерации И со македонската љубовна лирика покажаа како се љуби на македонски.

Синдикалната организација на МКЦ вчера одржа состанок на кој доставија барање до Државната комисија за спречување на корупцијата како најповикана институција, Градот Скопје, Министерството за култура, Советот на Град Скопје, како и директорот и управниот одбор на МКЦ со диференцијално толкување на спорниот член поради кој не беа продолжени договорите на хонорарно ангажираните лица во МКЦ, а поради кој е попречено нормалното функционирање на институцијата.

Вработените во Македонска филхармонија се жалат дека во изминатиот период се соочуваат со низа проблеми во реализирање на своите работни обврски, поради, како што велат, проблематичното однесување и постапки на в.д. директорот Даниел Лазаровски.

Новата книга на нашиот најтрофеен режисер Милчо Манчевски, „Манчевски: Пет есеи“ ќе биде претставена како дел од целовечерна мултимедијална презентација (со проекција на филмови и промоција) на 1 февруари (четврток) во 19 часот во новиот Културен центар „Лабораториум“ (старата печатница на „Нова Македонија“, Бул. „Климент Охридски“ 68) во Скопје.

„Бизнисот на задоволството“ на Гоце Цветановски ќе биде прикажан на јубилејното 30. издание на „Седона интернешнал филм фестивал“, кој ќе се одржи од 24 февруари до 3 март во Аризона. Мисијата на организаторите е поддршка на независните филмски дела од целиот свет, потребата да се разбере човековата природа и препознавањето на вистинските вредности преку филмот.

На својата конституитивна седница жири-комисијата за доделување на наградата „Роман на годината“ за 2023 година, што ја доделува Фондацијата за унапредување и промоција на културните вредности „Славко Јаневски“, констатираше дека на годинашниот конкурс пристигнаа 35 романи.

Македонската филхармонија годината ќе ја заокружи со двата новогодишни концерти кои се распродадени уште пред неколку недели. Во сабота со почеток во 12 часот премиерно ќе биде изведен Новогодишниот концерт за деца „Девојчето со книгите“ кој ќе го води маестра Дијана Имери Илкоска, а актерка е Симона Спировска.

Со претставата „Декамерон“, во режија на Мартин Кочовски на Прилепскиот театар „Војдан Чернодрински вечерва во 20.00 во МКЦ се отвора 48 – то издание на меѓународниот театарски фестивал Млад отворен театар – МОТ

Една од најомилените претстави на македонската публика, операта „Травијата“ од Џузепе Верди ќе се изведе на сцената на Националната опера и балет на 31 октомври, со почеток во 20.00 часот.

Македонскиот филм „М“ во режија на Вардан Тозија на 1 ноември ќе биде прикажан на фестивалот Trieste Science + Fiction Festival. Ова е италијанска премиера на филмот работен по сценарио на Вардан Тозија и Даријан Пејовски, продуценти се Дарко Попов и Вардан Тозија, а филмот е работен со копродуценти од Франција, Хрватска, Косово и Лукембург, со мнозинска македонска продукција.

Авторот на бестселери, Зоран Спасов-Ѕоф, во средата, во Скопје ја промовира својата нова книга „Цепај сине“. И овој пат, исто како и лани, кога ја промовира „Џабе живиш у Скопје“, клубот беше претесен да ги собере сите што дојдоа на промоцијата, која беше вистинска журка за скопјани.