Матуиди верува дека Роналдо ќе ги донесе до титула во Лигата на шампионите
- Детали
- Категорија: Спорт
- Создадено: 11 Септември 2018
Фудбалерот на Јувентус, Блеиз Матуиди, зборуваше за целите на италијанскиот шампион во сезоната во интервју за „Газета дело Спорт“.
Светскиот шампион со Франција е на мислење дека големата ѕвезда на тимот, Кристијано Роналдо ќе додаде драгоцено искуство на своите соиграчи, со кој може да биде освоена титулата во Лигата на шампиони, која долги години е посакувана во Торино.
- Имаме многу важни цели оваа сезона. Треба да се концентрираме на нашата игра и нашето однесување на теренот. Кристијано Роналдо има нешто поинакво. Зборуваме за човек кој освои пет „Златни топки“. Можеме да кажеме дека Роналдо е најдобар во светот и не можеме а да не бидеме среќни што е со нас. Тоа сигурно ќе ни додаде искуство. Тој е човек кој освоил многу, а особено во Лигата на шампионите. Тоа ќе ни помогне во најтешките моменти од сезоната, рече Матуиди.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
