СДСМ: Нула резултати на ДПМНЕ и Стефковски во Гази Баба за 2 години
- Детали
- Категорија: Гази Баба
- Создадено: 07 Ноември 2023
„ДПМНЕ по 2 години локална власт во над 40 општини има 0 резултати и безброј нереализирани ветени проекти од изборните програми. Општините раководени од ДПМНЕ стагнираат, наместо да се развиваат. Катастрофално лоши резултати во работата во првите 2 години граѓаните гледаат и во Гази Баба“, велат од СДСМ.
„ДПМНЕ и градоначалникот Стефковски ги изневерија граѓаните.
Ги нема ветените 4 нови градинки наведени во изборната програма, нема ниту нови 4 спортски центри во Гази Баба, нема нови улици, ги нема ниту ветените нови 2 клучки на бул. Александар Македонски.
Згора на се, ДПМНЕ и Стефковски ги задолжија граѓаните на Гази Баба со нови 5 милиони евра.
Половина од мандатот помина а истата матрица на ДПМНЕ ја гледаат граѓаните: неработа, нови долгови и безброј неисполнети ветувања.
ДПМНЕ ги изневери граѓаните и не ја оправда довербата дадена на локалните избори“, соопшти СДСМ.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс