Просечната плата во јануари 24.025 денари
- Детали
- Категорија: Бизнис
- Создадено: 24 Март 2018
Просечната месечна исплатена нето-плата по вработен во Македонија во јануари годинава изнесува 24.025 денари и е за 5,6 отсто повисока од јануари лани, соопшти Државниот завод за статистика.
Растот се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација (37.3 %), Рударство и вадење на камен (20.3 %) и Земјоделство, шумарство и рибарство (12.5 %).
Зголемување на просечната месечна исплатена нето-плата по вработен, во однос на претходниот месец, е забележано во секторите: Уметност, забава и рекреација (31.4 %), Рударство и вадење на камен (10.1 %) и Снабдување со електрична енергија, гас, пареа и климатизација (6.3 %).
Просечната месечна исплатена бруто-плата, пак, во јануари 2018 изнесува 35.225 денари.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс