1-ва Скопска - МТМ Телевизија

Фејсбук денеска објави дека блокирал мрежа на сметки што ги користи руското воено разузнавање за ширење лажни информации за Украина и другите источноевропски земји, јавија светските агенции.

„Иако луѓето зад мрежата се обидоа да ги прикријат своите идентитети и координација, нашата истрага откри врски со руските воени разузнавачки служби“, се вели во соопштението на Фејсбук.

Фејсбук, кој има за цел да ги спречи владите и политичките групи да ја користат нивната платформа за ширење лажни информации, објави дека престанала со кампањи за дезинформации од разни земји, вклучително и од Русија.

Москва отсекогаш ги отфрлаше наводите на Западот за политичко мешање, вклучително и наодите на американскиот јавен обвинител Роберт Милер дека користела сметки на социјалните мрежи во обид да влијае на претседателските избори во САД во 2016 година.

Шефот на одделот за политика за безбедност во областа на компјутерската безбедност на Фејсбук, Натаниел Глајкер изјави дека во последната руска операција се користени повеќе од 100 сметки на Фејсбук и нејзината платформа за споделување фотографии на Инстаграм за да се создадат лажни профили на луѓе што честопати се претставуваат како новинари во идентификуваните земји. Овие сметки комуницирале со локалните медиуми и политичарите за да шират лажни вести за контроверзни политички теми.