Лавров: Русија ќе одговори доколку Западот не понуди гаранции
- Детали
- Категорија: Свет
- Создадено: 26 Јануари 2022
Русија ќе ги преземе неопходните мерки доколку Западот не даде конструктивен одговор на предлогот на Москва за безбедносни гаранции, изјави денеска рускиот министер за надворешни работи Сергеј Лавров.
– Доколку нема конструктивен одговор, ако Западот продолжи со агресивен курс, тогаш, како што повеќепати изјави претседателот Владимир Путин, Москва ќе ги преземе неопходните мерки – изјави Лавров во Државната дума, пренесува ТАС С.
Во секој случај, како што додаде, сите мора да знаат дека безбедноста на Русија и нејзините граѓани е апсолутен приоритет и дека тие ќе бидат обезбедени во сите околности.
Русија во декември испрати предлог до САД и НАТО, барајќи безбедносни гаранции дека Алијансата нема да се прошири на исток.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
