1-ва Скопска - МТМ Телевизија

Австрискиот парламент денеска ќе гласа за воведување задолжителна вакцинација против Ковид-19, која треба да стапи на сила на почетокот на февруари.

За овој предлог се очекува јасно мнозинство, бидејќи покрај владејачката партија од Австриската народна партија и Зелените, „за“ ќе гласаат и многу пратеници меѓу опозициските социјалдемократи и либерали.

Екстремно десничарската Партија на слободата, од друга страна, жестоко се спротивставува и го критикува планот.

Задолжителна вакцинација би важела за сите граѓани над 18 години. Исклучоци се планирани за бремените жени и за сите оние кои поради здравствени причини не смеат да се вакцинираат, пренесува Јутарњи лист.

Во моментов, околу 75 отсто од луѓето во Австрија примиле две дози од вакцината. Целта на ефективна вакцинација е 90% од оние на кои им е дозволено да се вакцинираат.