Африканската унија повика на поправеден пристап за купување вакцини
- Детали
- Категорија: Свет
- Создадено: 14 Септември 2021
Африканската унија ги обвини производителите на вакцини против Ковид-19 дека на африканските земји не им се дава еднаква шанса да купат вакцини и ги повика земјите производители - особено Индија - да ги укинат забраните за извоз на вакцини и нивни состојки, објави „Ројтерс“.
„ Овие производители многу добро знаат дека никогаш не ни го дале вистинскиот пристап“, рече Стрив Масијава, специјален пратеник на Африканската унија за Ковид-19, на брифингот на Светската здравствена организација во Женева.
Од 5,7 милијарди дози на вакцина против коронавирус, дистрибуирани досега низ целиот свет, само 2 проценти се дистрибуирани во Африка.
Масијава нагласи дека, со намера да вакцинираат 60 проценти од населението, Африканската унија и нејзините партнери очекувале да купат половина од потребните дози, додека другата половина се очекувало да пристигне во Африка преку програмата Ковакс, поддржана од СЗО и ГАВИ, глобален сојуз за вакцини.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс