„Гугл“ лажно ги информирал корисниците за собирањето на нивните податоци, пресуди австралискиот суд

Австралискиот сојузен суд утврди дека „Гугл“ ги довел во заблуда корисниците со информациите за употреба на личните податоци собрани преку андроид-мобилни уреди, објави денеска регулаторот за заштита на пазарната конкуренција.

Судот заклучил дека „Гугл“ погрешно тврдел оти може да собира само информации од историјата на локациите во периодот меѓу јануари 2017 до декември 2018 година, соопшти регулаторното тело ACCC.

Собирањето, складирањето и користењето на податоците било овозможено и преку опција за контрола на активностите на интернет и во апликациите кога таа е вклучена, а на уредите била вклучена автоматски, според ACCC.

Корисниците не биле известени дека исклучувањето на историјата на локациите, додека е овозможена опцијата Web & App Activity, му овозможува на „Гугл“ и натаму да продолжи да собира податоци, утврдил судот.

Регулаторот посочил дека ќе бара казна за „Гугл“, но не ја прецизирал сумата.

Портпаролката на „Гугл“ изјавила дека размислуваат за правни лекови за пресудата, вклучително и жалба.

Технолошкиот гигант водеше правна битка во Австралија во последните месеци и во врска со владиниот закон според кој „Гугл“ и „Фејсбук“ треба да им плаќаат на медиумските компании за содржината објавена на нивните платформи, потсетува „Ројтерс“.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.