1-ва Скопска - МТМ Телевизија

Британското кралско семејство во средата на својот официјален профил на Твитер објави досега невидена фотографија од кралицата Елизабета Втора и починатиот принц Филип со своите правнуци. Фотографијата ја сними војвотката од Кембриџ, Кејт Мидлтон, во замокот Балморал во 2018 година.

На фотографијата, малиот принц Џорџ стои на левата страна на кралицата, а принцот Луис седи во нејзиниот скут.

На принцот Филип, кој почина минатиот петок на 99-годишна возраст, се присетија и принцот Вилијам и неговата сопруга Кејт, кои исто така споделија заедничка фотографија со кралицата и војводата од Единбург во јавноста.

Нивната фотографија исто така е снимена во Балморал, но во 2015 година, а на неа војводата од Кембриџ ја држи раката на неговиот син, принцот Џорџ, додека принцезата Шарлота е во прегратката на војвотката.

„Денес го паметиме како татко, дедо и прадедо“, пишува на твитер-профилот на Кенсингтон ројал.

И принцот Чарлс и неговата сопруга Камила објавија две фотографии во спомен на Филип. На едната, војводата и младиот Чарлс играат поло, а на другата, Филип стои помеѓу принцот од Велс и војвотката од Корнвол.