Рот: Цртањето на нови граници на Балканот е опасен пат
- Детали
- Категорија: Свет
- Создадено: 16 Април 2021
Германскиот државен секретар за Европа, Михаел Рот изјави дека цртањето на нови граници е опасен пат, реагирајќи на предлогот на словенечкиот премиер Јанез Јанша.
Тој исто така рече дека иднината на земјите од Западен Балкан е само во мултикултурните и мултирелигиски општества.
„Земјите од Западен Балкан имаат иднина само како мултиетнички и мултирелигиски општества. Регионалното помирување и соработка се клучевите на мирот, демократијата и просперитетот. Поставувањето нови граници е опасен пат", рече Рот.
Германскиот државен секретар на тој начин се приклучи на официјалниот став на ЕУ дека на Западен Балкан треба да се работи на регионално помирување и соработка, а не на промена на границите.
Германскиот министер за европски прашања реагираше на нон-пејпер предлогот на словенечкиот премиер Јанез Јанша за промена на границите на Балканот, во кој се споменува обединување на Албанија со Косово и дел од Македонија, како и одвојувањето на Република Српска од БиХ.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс