Во Словенија потврден нигерискиот вид на коронавирусот
- Детали
- Категорија: Свет
- Создадено: 03 Март 2021
По идентификацијата на британскиот и јужноафриканскиот вид на коронавирусот, во Словенија е потврден и нигерискиот вид.
Досега се откриени седум случаи на најновата варијанта, а ги откри лабораторијата на Универзитетскиот медицински центар Љубљана, пренесуваат словенечките медиуми.
Досега достапните податоци покажуваат дека нигериската мутација веројатно не предизвикува потешка форма на Ковид-19.
Јужноафриканската варијанта е потврдена во Словенија на 9 февруари кај 54-годишен маж. Министерот за здравство, Јанез Поклокар, рече дека во изминатата недела се потврдени 62 случаи на британската мутација и еден случај на јужноафриканскиот вид на вирусот, додавајќи дека тој не знае ништо за присуството на нигерискиот вид.
Официјален извештај за присуството на разни мутации на вирусот што кружат во Словенија се очекува утре, јавува агенцијата СТА.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
