1-ва Скопска - МТМ Телевизија

Активистите за заштита на правата на жените се подготвуваат за, како што велат, најголемиот протест досега во Полска. Во таа земја повеќе од една недела се одржуваат протести поради пресудата на Уставниот суд за забрана за абортус во случај на вродено оштетување на фетусот.

Маршот е планиран за вечерва во главниот град Варшава и покрај апелите на владата луѓето да останат дома поради големиот број случаи на заболени од коронавирус.

Вчера е потврден рекорден број на заболени во Полска - над 20.000 случаи и 301 смртен случај.

Јавниот обвинител најави дека ќе поднесе кривична пријава против организаторите на протестот за предизвикување епидемиолошка закана за што им се заканува казна затвор од осум години.