Меркел се огласи на „Твитер“ по нападот во Ница: Германија е со Франција
- Детали
- Категорија: Свет
- Создадено: 29 Октомври 2020
Германската канцеларка Ангела Меркел рече дека Германија застанала на страната на Франција по бруталниот напад со нож во кој загинаа три лица во близина на црква во Ница.
„Длабоко сум потресена од бруталното убиство во црква во Ница. Моите мисли се со семејствата на убиените и повредените. Германија застана на страната на Франција во овие тешки времиња", рече Меркел, а нејзините зборови ги пренесе нејзиниот портпарол Штефен Зајберт.
Kanzlerin #Merkel: „Ich bin tief erschüttert über die grausamen Morde in einer Kirche in #Nizza. Meine Gedanken sind bei den Angehörigen der Ermordeten und bei den Verletzten. Der französischen Nation gilt in diesen schweren Stunden Deutschlands Solidarität.“
— Steffen Seibert (@RegSprecher) October 29, 2020
Француските медиуми објавија дека најмалку три лица загинале, а неколку се повредени.
Градоначалникот на Ница, Кристијан Естроси, рече дека смета дека инцидентот е терористички напад врз базиликата Нотр Дам во градот и ги замоли жителите да ја избегнуваат областа за да им дозволат на полицијата и службите за итни случаи да ја завршат непречено својата работа.
Француската телевизија Европа 1 објави дека маж нападнал неколку лица и обезглавил една жена. Истата информација ја објави „Ројтерс“, повикувајќи се на полициски извор
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс