СЗО: Зголемување на стапката на инфекција во светот

Во последните 24 часа во светот се регистрирани околу 214.000 нови случаи на „Ковид-19“, така што вкупниот број на заболени е 20,16 милиони.

Светската здравствена организација објави дека од Ковид-19 досега починале 737.417 луѓе во светот, а 4.835 само во последните 24 часа, пренесува ТАСС.

Најголем број потврдени случаи сè уште има во Северна и Јужна Америка, 10.799.062, од кои 101.230 се новозаразени во последните 24 часа.

Досега во Европа се потврдени 3.641.603 заразени и 217.716 починати, а 2.757.822 заразени и 55.564 починати во Југоисточна Азија.

САД сè уште водат според бројот на потврдени случаи на Ковид-19, 5.039.709, по што следува Бразил со 3.057.470 заразени, Индија со 2.329.638, Русија со 902.701, Јужна Африка со 566.109, Мексико со 485.836, Перу со 483.133, Колумбија со 397.623, Чиле со 376.616 и Иран со 331.129 заболени.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.