Грција го плаќа сместувањето на туристите ако се разболат од коронавирус
- Детали
- Категорија: Свет
- Создадено: 02 Јуни 2020
Грција ќе го плати сместувањето на туристите кои ќе бидат позитивни на коронавирусот за време на нивната посета на оваа земја, објави владиниот портпарол Стелиос Пецас пред новинарите.
„Ние го сторивме тоа во минатото и ќе продолжиме да го правиме тоа. Очекуваме далеку помал број случаи, но се надеваме дека нема да ги има, затоа што се смируваат епидемиолошките циклуси во европските земји од каде што ги очекуваме туристите“, рече тој за време на редовната конференција, додавајќи дека целта е да се обезбеди максимална безбедност за жителите и посетителите.
Останува прашањето дали Грција ќе плати и за храна или за лекови за луѓето кои се принудени да останат во земјата.
Грција од 15 јуни ги отвора границите за туристите од 29 земји, меѓу кои е и нашата земја. Тестирање и карантин нема да бидат потребни, туку ќе има случајно тестирање на оние кои ја преминуваат границата.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс