Во Шпанија првпат од март нема нови смртни случаи од коронавирус
- Детали
- Категорија: Свет
- Создадено: 02 Јуни 2020
Во Шпанија во последните 24 часа не се пријавени смртни случаи од коронавирус, првпат од март, соопштија здравствените власти на земјата.
Директорот на центарот за итни случаи во здравството, Фернандо Симон, на прес-конференција рече дека ваквиот развој на ситуацијата е „многу, многу охрабрувачки“, пренесува АП.
„Ние сме на многу добро место во развојот на пандемијата. Статистиката оди во вистинската насока“, рече Симон.
Во Шпанија, првите два смртни случаи од коронавирус се регистрирани на 3 март. Врвот на пандемијата беше достигнат на 2 април, кога во еден ден починаа 950 луѓе.
Вкупниот број на починати од коронавирус во Шпанија е 27.127, додека скоро 287.000 се заразиле.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
