Новите проценки покажуваат дека 25 до 50 проценти од носителите на вирусот се без симптоми

Податоците од Исланд покажуваат дека 50 проценти од позитивните на коронавирус биле без симптоми, а САД проценуваат дека до 25 проценти од носителите на вирусот се асимптоматски. Поради тоа водечките експерти за здравствени установи на САД ги преиспитуваат досегашните препораките за носење заштитни маски, јави Си-ен-ен.

„Информациите што ги имаме многу потврдуваат дека значителен број се заразени без никакви симптоми. Можеби и до 25 проценти“, вели директорот на Американскиот центар за контрола и превенција на болести (ЦДЦ). Роберт Редфилд.

За да се спречи понатамошно ширење на инфекцијата, водечките американски епидемиолози и инфектолози сега ги разгледуваат препораките за носење заштитни маски во светлината на новите откритија.

Главниот американски инфектолог Ентони Фаучи вели дека е скон на препораката населението да започне да носи маски за лице „ако тоа не создаде недостаток на маски за здравствените работници на кои им се потребни“.

„Сè уште не сме во таа фаза, но мислам дека сме близу до одлука“, вели Фаучи.

СЗО, како и повеќето европски земји, во моментов препорачуваат дека само болните и оние кои се грижат за болните треба да носат маски.Маските со филтер за честички помали од коронавирусот го спречуваат ширењето на вирусот и исто така го штитат носителот, додека стандардните хируршки маски, кога ги носат болни луѓе, ја штитат околината од вирусот што го носат.

„Ова е сосема нов вирус и ние само учиме за тоа. Со развојот на пандемијата, се појавуваат нови податоци", посочуваат од СЗО.

Дел од европските земји како Австрија, Чешка, Бугарија и Словенија веќе започнаа да воведуваат обврска за носење маски за населението, мерка што ја препорачуваат азиските експерти и се спроведува нашироко на Далечниот исток. Експертите предупредуваат дека домашните маски не можат да се споредат, во однос на заштитата што ја обезбедуваат, со хируршки маски или оние со филтер, но тие имаат добра страна во однос на препораката да се избегнува допирање на носот и устата со рацете, заради физичката бариера што ја претставуваат.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.