Судот ги ослободи од обвиненија синовите на Мубарак
- Детали
- Категорија: Свет
- Создадено: 22 Февруари 2020
Египетскиот суд денеска ги ослободи двајцата синови на поранешниот соборен претседател, Хосни Мубарак, кои беа обвинети за манипулации на пазарот.
Синовите на Мубарак, богатите бизнисмени Ала и Гамал, беа обвинети дека во локална египетска банка купиле голем број акции, при што, наводно знаеле дека банката ќе ја преземе инвеститор од Персискиот залив, што значотелно би ја зголемило нивната цена.
Кривичниот суд во Каиро во случајот ослободи уште шест лица, а седмиот обвинет почина претходно, пренесе АП.
Агенцијата додава дека се работи за последното во низа судења на членови на семејството Мубарак од Арапската пролет 2011 година, кога тој беше соборен по три децениско владеење.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс