Хаос во Хонгконг: Запален човек, полицијата пука со вистински куршуми
- Детали
- Категорија: Свет
- Создадено: 11 Ноември 2019
Еден постар маж е запален во Хонгконг, каде полицијата претходно пукаше на демонстрантите за време на ескалација на насилството на антивладините протести.
Мажот, кој бил запален, е примен во болница во критична состојба.
Објавено е видео на кое се гледа дека човекот се расправа со група млади луѓе по што некој го полива со запалива течност и го пали, пренесува агенцијата АП.
Според медиумите, неидентификуваниот и невооружен човек извикувал „вие не сте Кинези“ пред да биде запален.
Претходно во медиумите се појавија снимки од друг инцидент во кој полицаец пука во 21-годишно момче за време на конфронтација со демонстрантите кои рано утрово ги блокираа метрото и градските улици.
Младиот човек бил примен во болница во критична состојба, иако полицијата соопшти дека тој веќе не е во опасност по извршената операција.
Насилството се очекува дополнително да ескалира бидејќи еден студент почина во петокот од здобиени повреди во судирите, а полицијата во текот на викдендот уапси шестмина опозициски пратеници.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс