(ФОТО) Моментот кога камионот со 39 мртовци пристигнува на својата дестинација
- Детали
- Категорија: Свет
- Создадено: 23 Октомври 2019
Надзорни камери го регистрирале моментот кога камионот во кој беа пронајдени 39 мртви тела, стигнал на дестинацијата во индустриска зона на англискиот град Есекс.
Камионот бил снимен од камери на објект во Индустрискиот парк Вотерглејд, а снимката прикажува како камионот минува низ индустрискиот комплекс само половина час пред амбулантата да ги открие мртвите тела на 38 возрасни лица и еден тинејџер.
Камионот марка „сканија“ потекнува од Бугарија, но според досегашните информации, сопственикот е од Северна Ирска. Возилото влегло во Велика Британија пред еден ден, преку пристаништето Холихед.
Станува збор за приколка-ладилник, што ја отвора можноста дека луѓето замрзнале додека камионот ги пренесувал за Британија.
Возачот на камионот, според информациите што им се достапни на британските медиуми, е 25-годишник од Северна Ирска и е уапсен.
Британската полиција попладнево објави дека камионот во Велика Британија влегол од Белгија.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс