Американски трупи ја напуштија Сирија и влегоа во Ирак
- Детали
- Категорија: Свет
- Создадено: 21 Октомври 2019
Американски трупи од Сирија преминаа во Ирак преку граничниот премин Сахела во провинцијата Дохук, наведуваат очевидци.
Од ваквата транзиција на американските сили се појавија и снимки на кои се забележува како повеќе од 100 оклопни возила превезуваат војници во Ирак, повлекувајќи се од Сирија.
Безбедносни извори на ирачките Курди истакнуваат дека американската војска влегла во полуавтономниот курдски регион во Ирак.
Границата ја преминале околу 30 приколки и возила „хамер“ кои превезуваат тешка воена опрема, додава изворот.
Американскиот министер за одбрана, Марк Еспер, изјави во саботата дека сите војници, околу 1.000, ќе бидат префрлени во западниот дел на Ирак, со цел да ја продолжат борбата против Исламска држава и да помогнат во одбраната на Ирак.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
