Курц: ЕУ мора да биде реформирана

Австрискиот канцелар Себастијан Курц денеска изјави дека треба да се реформира ЕУ, но тоа не значи дека треба да ослабне, туку да се зајакне, така што ќе има поголемо присуство таму каде што е неопходна соработка, а истовремено на земји-членки ќе им биде допуштено да одлучуваат за прашања, кои се од национален интерес.

 

Круц, кој во последните неколку дена поради барањето Брисел да се дебирократизира и да се намалат прописите на ЕУ, нагласува дека неговата Народна партија на Австрија е проевропска сила, која се залага за ЕУ и дека Австрија е активен член, но, исто така, верува дека ЕУ може и мора да биде подобра.

 

На состанокот на Сојузот на пензионерите на Австрија, Курц рече дека додека бил министер за надворешни работи на Австрија патувал низ целиот свет и видел оти другите региони на земјината топка не спијат.

 

-Пред неколку години, се уште ја имавме ситуацијата Кинезите да ја копираат европската или американската технологија, а денес сме во ситуација кога во многу области Кинезите предводат. Најбрз интернет нема во Европа, туку во Јужна Кореја. Иновации има во САД, Азија. Мораме повторно да бидеме поефективни и посилни за да играме поголема улога на меѓународната сцена, а тоа е важно за да можеме да обезбедиме натамошен просперитет, социјална држава, порача Курц.

 

Австрискиот канцелар рече дека сака посилна ЕУ, во која се соработува, која е најефикасна по прашањата за надворешната и безбедносната политика, дигитален и друг заеднички пазар, секаде онаму каде што една држава не може да направи ништо сама.

 

-Меѓутоа, потребно е ЕУ да ги напушти областите во кои земјите-членки или регионите можат сами да одлучуваат. Не е потребна бирократија на ЕУ, туку повеќе слобода и разновидност, рече тој.

 

Тој истакна дека оние кои веруваат дека Европа може сѐ да среди, погрешно размислуваат, а во таа смисла ги спомна социјалдемократите, кои веруваат дека нивото на социјалната помош и пензиите во сите земји-членки треба да биде исто.

 

-Ние денеска донесовме одлука за зголемување на пензиите. Решивме да ја зголемиме најниската пензија од 995 на 1.200 евра. Како може такво нешто да функционира низ ЕУ? Дали минималната пензија треба да биде во Романија на тоа ниво, или нашата намалена на нивно ниво? Ако во Романија се подигне минимална пензија, се поставува прашањето, кој ќе го плаќа тоа, бидејќи Романците не можат, а Австрија, Германија и другите, секако, нема да сакаат, објасни тој.

 

Курц предупреди на опасноста од поврзување на утописки идеи со ЕУ.

 

-Она што можеме сами треба сами и да го регулираме, а во исто време да ја јакнеме ЕУ таму каде што е потребно и каде што само Европа може тоа да го реши, како што се надворешната и безбедносна политика, заедничкиот пазар. Нам ни е повеќе потребно Европа во области во кои треба да соработуваме, а помалку таму каде што членките можат сами да одлучат, рече тој.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.