Шри Ланка блокираше пристап до социјални мрежи по напади врз муслимани
- Детали
- Категорија: Свет
- Создадено: 13 Мај 2019
Властите во Шри Ланка објавија денеска дека привремено блокирале некои социјални мрежи и апликации за пораки, вклучувајќи ги и Фејсбук и Ватсап, по напади врз продавници на муслимани и џамии.
Илјадници луѓе фрлаа камења врз џамии и продавници на муслимани, а еден човек беше претепан во градот Чилав на западниот брег по дебата на Фејсбук.
Властите велат дека го уапсиле креаторот на содржината на Фејсбук, тој е 38-годишниот Абдул Хамид Мохамед Хасмар, чиј коментар „еден ден ќе плачете” беше протолкуван како закана.
Властите уапсија група луѓе во областите Кулијајапија и Думаласурија, доцна во неделата и рано денеска заради напади врз продавниците во сопственост на муслимани.
Зголемувањето на насилството се случува три недели по нападот на исламисти врз три цркви и четири хотели, каде беа убиени 250 луѓе.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
