Путин со писмо до Асад бара воспоставување на мир во Сирија
- Детали
- Категорија: Свет
- Создадено: 21 Март 2019
Рускиот претседател Владимир Путин испрати писмо до сирискиот колега Башар ал Асад во кое бара унапредување на билатералните односи и воспоставување на мир во Сирија, изјави портпаролот на Кремљ, Дмитриј Песков.
Пораката беше посветена на билатаралните руско-сириски односи, како и на процесот за воспоставување на дипломатско и политичко примирје во Сирија, наведе Песков.
Рускиот министер за одбрана Сергеј Шојгу на 19 март беше во работна посета на Сирија, при што се сретна со Асад и му го врачи писмото од Путин.
Претходно, руското Министерство за одбрана соопшти дека Шојгу и Асад разговарале за војната против тероризмот во Сирија, постконфликтното воспоставување на мир и безбедност на Блиски Исток.
На средбата се разговарало и за враќање на раселените лица, како и за хуманитарна помош.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс