Си-Ен-Ен ја тужи Администрацијата на Трамп, бара враќање на акредитацијата на нивниот новинар
- Детали
- Категорија: Свет
- Создадено: 13 Ноември 2018
Медиумската куќа Си-Ен-Ен поднесе тужба против Администрацијата на американскиот претседател Доналд Трамп поради одземање на новинарската акредитација на нејзиниот известувач од Белата куќа, Џим Акоста.
– Бараме од судот веднаш да донесе налог со кој ќе се бара да му се врати акредитацијата на Џим. Иако тужбата е специфична за Си-Ен-Ен и Акоста, тоа може да му се случи секому. Ако остане несанкционирана, тогаш Белата куќа ќе создаде опасен ефект на обесхрабрување на секој новинар кој ги покрива нашите власти, се наведува во соопштението на Си-Ен-Ен.
На новинарот Џим Акоста минатата недела му беше одземена акредитацијата за известување од Белата куќа, откако влезе во расправија со претседателот Доналд Трамп за време на прес-конференција. Кавгата се случи откако Акоста му постави прашање на Трамп за карванот мигранти кој се движи од Јужна Америка кон САД и кога се обиде на тоа прашање да додаде уште едно.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
