Пеле излегува од интензивна нега – силен е и тврдоглав, вели ќерка му!
- Детали
- Категорија: Спорт
- Создадено: 14 Септември 2021
Легендарниот бразилски фудбалер Пеле во наредните ден или два ќе биде префрлен од интензивна нега на одделение додека се опоравува од операцијата на туморот на дебелото црево.
Неговата ќерка Кели Насименто на социјалните мрежи пишува дека 80-годишната фудбалска легенда е добро и не чувствува болки.
Пеле се лекува во болницата „Алберт Ајнштајн“ во Сао Паоло уште од 31. август откако при рутинска контрола му бил дијагностициран тумор.
„Тој е силен и тврдоглав, па со поддршка и нега на брилијантен тим од болницата и со сета љубов и енергија од целиот свет, тој сето ова ќе го надмине“ наведува Насименто.
Во февруари синот на Пеле – Едињо изјави дека татко му се срами да излегува од домот затоа што не може самостојно да е движи.
Пеле е освојувач на три светски титули – во 1958, 62 и во 70-та година. Тој е најдобриот стрелец за Бразил со 77 гола на 92 натпревари.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс